過關飛過關飛

點樣落一條飛

由零開始記錄一條過關:揀場次 → 揀彩池 → 揀馬/買法 → 注碼 → 儲存。全部喺你部手機完成,唔使登入、唔會上傳。

一、賽馬過關

  1. 揀場次——賽日排位一出,App 會自動載入當日場次(綠=未開始、黃=跑緊、紅=已跑完;已跑完都揀得,用作補記)。
  2. 揀彩池——8 個彩池:獨贏、位置、連贏、位置Q、二重彩、單T、三重彩、四連環、四重彩,另加兩個常見組合:★獨贏+位置、★連贏+位置Q。每一關可以揀唔同彩池(混合過關)。
  3. 揀馬——撳馬卡加入;有 膽 掣可以標膽(連贏系 1 隻膽、單T 2 隻膽、四連環/四重彩最多 3 隻膽)。冇標膽=互串。
  4. 二重彩 ①②——①=第一名、②=第二名。兩邊都可以標多過一隻(①×② 笛卡爾積);只標一邊=另一邊由未標嘅馬自動填;同一匹標齊①②=複式膽。
  5. 加下一關——撳「下一關」,重複步驟;全部關次揀完之後撳「確定」。
  6. 揀過關方式——例如 3x7(7 注)、4x11…(完整 41 種見 注數表)。
  7. 注碼——每注最低 $10;總投注額達 $100 時可用「靈活玩」,每注低至 $1。App 會即時計總額。
  8. 儲存——撳「確定儲存」,條飛就會出現喺「跟蹤」頁,之後可以逐注剔結果或者等自動結算。

二、足球過關

  1. 揀賽事——足球頁可以直接揀馬會即場盤口(主客和、大細、讓球、半場等),賽事、線同賠率會自動填入。
  2. 揀買法——同場可以買幾注(例如同時買「主」同「大 2.5」),每注分開列出。
  3. 1 至 8 關——足球定賠,關數可以多過賽馬;單場用 1x1,最多 8 關(255 注)。
  4. 注碼同儲存——同賽馬一樣;儲存後入「跟蹤」。
  5. 完場自動結算——以馬會官方派彩為準判中/唔中,並寫低理由(例:「全場總入球 3 > 2.5 → 大 中」)。賽事宣佈無效=走盤(單場退款;過關當 1 倍)。

三、截圖入飛

四、幾個要識嘅名詞

999 = 下限

馬會賠率顯示 999 代表過千倍或者未報價。App 一律當「≥」,唔會當 0,亦唔會當實數。

保本臨界

最後一關要幾多倍先唔輸,開跑前一眼睇到。

走盤(退款)

賽事宣佈無效:單場注退款;過關注當 1 倍繼續。數學上等於「呢關唔計」。

複式 / 膽拖

冇標膽=互串(任兩隻都組合成注);標膽=膽拖(膽必須入圍)。

實收 vs 模擬

「實收」=已鎖定派彩;「模擬」=用現時賠率推算全中會收幾多。兩者永遠分開顯示。

半場盤

只計上半場。App 會用馬會賽果頁嘅半場比分判,冇半場數據就交返你手動剔。

過關注數表(41 種)→ 彩池同術語表 → 常見問題 →