Roadmap 及更新日誌
呢度寫嘅係開發意向,唔係承諾 —— 次序同細節會隨實際情況調整。最後更新:2026-10-17。
排得越前=越接近完成。想邊樣快啲出?話我知(用戶嘅實際用法係排優先次序嘅主要依據)。
🔜 短期(目標:正式上架前後)
接近完成 iOS 版首次上架
iOS 1.0(build 30)已經送交 Apple 審核。批核之後會以手動方式發佈上架,到時首頁就會出現 App Store 下載連結。
已上架 Google Play(香港)
v1.0.10 (30) 已經喺 Google Play 正式上架(香港)。之後功能更新會同 iOS 版一齊推出。
部分已出 首次開啟引導
通知權限已經改成「儲存完第一條飛之後才問」,唔會一開 App 就彈(已推出)。 3 屏新手引導仍未做。
持續改善 離線/錯誤文案
斷網照樣開得、已記錄嘅飛照樣睇到;未報價(999)、派彩未出、場次移走等情況都會用文字講清楚。 仍會逐句執漏,唔會用空白代替解釋。
📅 中期
計劃中 統計頁
今日已經有「成績板」(當日投入/實收/淨額)。下一步係長期統計:勝率、彩池分佈、邊類過關對你有利 —— 全部喺你部機計,唔使上傳。
計劃中 賽日提醒
你條飛嗰幾場,開跑前 N 分鐘提你一聲。
研究緊 更多彩池
孖寶、六環彩等更多玩法(研究中,未落實)。現時支援 8 個彩池同 41 種賽馬過關方式。
計劃中 雙平台同步
iOS 同 Android 每次更新都保持一致版本;新功能先喺一邊試,穩定之後兩邊一齊出。
💡 構思中(未有時間表)
構思 心水分享(可驗證成績)
用戶之間互相分享自己嘅飛,其他人可以一撳加入自己嘅 App 跟住睇。 重點:所有紀錄都由馬會真派彩自動核對 —— 冇得自己講中定唔中,邊個長期得,睇數據唔係睇把口。會先喺小範圍試。
構思 跨機同步(可選)
換機或者換裝置,條飛自動跟住你。(可選功能)
構思 分享 QR/連結互相匯入
朋友之間互相傳一條飛,唔經伺服器。
構思 足球更多盤口
現時足球已經可以直接揀馬會即場盤口(主客和、大細、讓球、半場等),會繼續加少見盤口同跨場組合。
✅ 已推出
| 功能 | 重點 |
|---|---|
| 即時真賠率 | 直接讀馬會公開賠率,每分鐘更新;賠率變化(↑↓)一眼睇到。 |
| 真派彩結算 | 跑完自動鎖死結果(實收/逐關/逐組合),跨賽日唔會被新數據污染。 |
| 41 種過關方式 | 注數逐項對照馬會官方表;開 App 自動驗算。 |
| 8 個彩池 · 膽拖 · 二重彩①② | 混合過關、複式互串、兩邊獨立標記。 |
| 999 下限 · 靈活玩 · 保本臨界 | 跟足官方規限,唔會呃你。 |
| 足球過關(1–8 關) | 單場(1x1)到 8 關;可以直接揀馬會即場盤口,賠率自動填入,唔使打字。 |
| 完場自動結算(足球) | 以馬會派彩為準自動判中/唔中;賽事宣佈無效=走盤(單場退款、過關當 1 倍)。 |
| 截圖入飛(OCR) | 馬會投注紀錄/足球飛截圖,喺部手機本機認字自動填,圖片唔上傳。 |
| 派彩即時通知 | 雲端推送,只訂閱「場次」;撳通知直接跳去跟蹤頁睇結算。 |
| 海外賽事(S1–S4) | 香港以外嘅賽馬日都會顯示,可以照常落飛、跟蹤。 |
| 狀態五級 · 仲生嘅子注 | 「有一關輸」唔等於輸晒,列明仲有邊個子注撐住。 |
| 今日成績板 · 分享 · 主題 | 投入/實收/淨;圖片或文字分享;淺色深色。 |
| 備份 / 還原 | 剪貼板一鍵複製/還原(零權限)。 |
| 帳號(可選) | 一鍵開通/Google/Apple;只保存一個識別碼,條飛唔上傳。 |
更新日誌
- 2026-10-28 —— Android 正式上架 Google Play(香港)v1.0.10;新增「按日已結算」+匿名問題回報;修正角球/半場結算、重複飛、OCR、模擬上限。
- 2026-10-27 —— iOS 1.0 以 build 30 重新送審(撤回舊 submission)。
- 2026-10-17 —— iOS 1.0(build 29)首次送交 Apple 審核;商店截圖加入賽馬畫面。
- 2026-10-16 —— 足球:單場(1x1)、直接揀馬會即場盤口;完場改以馬會派彩判定,賽事無效當走盤;海外賽事 S1–S4 開放;撳通知直接跳跟蹤頁。
- 2026-10-12 —— 足球過關(2–8 關)+截圖入飛(賽馬/足球飛都認得)。
- 2026-10-05 —— 大量邊界測試同修正(金額輸入只收整數、唔會再打錯數);通知功能完成。
- 2026-10-04 —— 首次用真賽日數據完整驗證;新增分享功能、今日成績板、備份/還原、可選登入;私隱政策上線。
- 2026-10-04 —— 修「有一關輸=已死」錯誤判斷(改為五級狀態);跟蹤/已結算兩頁按狀態分工;逐組合賠率顯示(唔再出誤導性 Σ)。
- 2026-10-03 或之前 —— 計算核心(41 種過關、8 彩池、膽拖、二重彩①②、靈活玩);接上馬會公開賠率同賽果。